【職場航行日誌】不如一齊 是是但但 | cpjobs.com
Home > Career Advice > 名家分享 > 【職場航行日誌】不如一齊 是是但但

【職場航行日誌】不如一齊 是是但但

Published on Friday, 06 Nov 2015
圖:Shutterstock

仲係職場初哥既時候,會想像第時係工作上點樣可以好圓滿咁完成一個Task,有上司Lead住你,循序漸進教你學識每項工作細節,做錯咗會聽到一句「唔緊要」然後提供埋Standard answer參考。

可是,好快你會發現真相,開始見到周邊嘅同事日日俾雜亂無章既工作搞到頭都大埋,聽到管理層經常埋怨「啲野立立亂就推晒俾我地去跟,搞唔掂責任喺我地度。 」

即使作為小薯仔都無得避走,一接手就見到File永遠唔會整齊排列好,Email同Request一個接一個未得閒分類好又要趕住回覆。要求同事死線前務必要交好假紙、Attendance record、MPF表格,總有幾個收唔齊,原則上可以狠心起嚟唔幫佢處理,但係為咗大家日後好辦事,上司通常寬限多少少時間,叫你自己跟緊啲,要不停客氣咁「請」佢盡快遞交。其實除非有特別原因,否則人人以為人事部「無你符」,不過上司點講唯有照做。

小事上,「將就下」自己同事不為過,之但係一去到可能影響部門聲譽嘅時候,經理們會自動挺身而出,又好容易同我地出咗名係搖頭草嘅老闆有爭執……

「Email都無個,打個電話嚟叫我地做就做,佢話以前係咁做開,唔係下嘛。 」大聲公嘅Betty經理講完個電話就扯火,老闆斟完水踱步返嚟時,Betty就開始投訴,「老闆,I.T.個邊每次有空缺,個阿Head就只係打電話嚟講話要人,唔交Request form,想點出報紙又唔講,唔通連Job duties都要我地諗埋?我地要計字數Quote價,咩資料都唔提供我地做唔到野。 」

老闆停低皺一皺眉:「I.T.個阿Head……哦……就嚟退休果個嘛,然佢咁講,你就睇返係咪上次都係咁做法,係就照跟舊Template,我估佢地應該無咩改動,搞掂俾個Sample佢過下目,肯Agree就出街,好小事啫。 」附近豎起隻耳聽緊嘅同事當堂出現「唔係卦」嘅表情,就算以前有同事咁闊佬懶理,唔代表無問題,況且點諗都唔應該盲摸摸去做份草稿俾人睇下啱唔啱心意,大粒佬係需要咁樣無低線咁服侍架咩?

老闆是是但但,樣樣追求大事化小,小事化無嘅心態,只會害慘下面班同事。有理據想力爭,一直得唔到正面嘅回應,咁不如一齊是是但但,喺完全無壓力嘅狀態下工作,慳水慳力,逗份人工咪算囉?!

 


 

Become our fans