問：

本人今年28，因讀書時間較長，今年才是工作第三年﹙沒有轉過公司﹚。穩定每月收入32,000港元，無需供樓，沒有物業。扣除家用開支每月大約可儲10,000港元。因家人緣故，再加上自己儲蓄，現持有500萬港元現金！

因自己缺乏投資知識，所以真的不知應如何運用這筆儲蓄。本身打算將其中100萬港元撥出來作將來同男友結婚夾份買樓用﹙男友可出150萬港元，男友是同行，月入跟我一樣，今年30﹚。我很喜歡港島東，如鯉景灣、嘉亨灣，但樓價太貴所以打退堂鼓，現打算買德福花園兩房結婚後自住。

剩下的400萬港元想買多一層樓收租，但我應Chur盡買新樓盤貴價樓如太古城，還是買一間細價樓，剩些錢再作其他投資呢？但不太想考慮買新界樓。

望諗Sir可指點指點，我好怕將家人的血汗錢白白浪費！希望可好好運用！先謝謝！

迷途小孤燕上

答：

讀者絕對不需唉聲嘆氣，她的命運相對已比一般港人好。係大部分大學生仍在償還Grant / Loan的時候，佢已有500萬港元在手，諗緊嘉亨定鯉景。當然出身貧窮者不需羨慕，富人有財而不學怎作保存，自有壞人將資金呃走。所以有錢人能長久保富，靠的是見識、智慧同器量。怎去保存財產絕對是一項能力。而「富不過三代」言之有理，白手興家的老豆就算識教仔，都好難管到個孫點樣打理家族資金。當然，現在私銀主打成立家族基金傳承財富，惟在制度設立上稍一不慎，豪門恩怨便會在法庭上如劇集般播出。

相信讀者是乖女一名，在此提出9:1理財方法，令讀者30歲前立於理財不敗之地，既有高回報亦可保本。Cookbook如下：

準備500萬港元資金，切開約90%﹙即460萬港元﹚做收息，另外40萬港元做進取投資。460萬港元夠買三條直債，心水是兩條銀行債：

1.XX銀行2022年到期。孳息4.073%，投入200k美金

2.XX銀行永續8.5%。賣價現114元，投入200k美金

3.XX公司，2019。5.8%，投入200k美金

若不槓桿，三條直債平均回報在6.1%。460k美金年收28,000美金，兩年收56,000美金﹙即44萬港元﹚。換言之只消呢三間公司唔執，460萬港元收兩年息已令賬面有504萬港元。讀者兩年後一定唔會敗走屋企資產。除非上述三間機構有倒閉或相關事項。若槓桿，過10%是必定了。但要重整下個組合用一些可槓之債券。當然，永續債不保本，另外我們要處理債券的組合會否有過高息口敏感度。

另外的40萬港元，我們靠股票或期權進攻。既然蝕本門已封，那不妨進取一點買細價股。近日有讀者得知我們用Standard derivation, 52周去衝量股原波幅，這樣看傳統籃籌股波幅也很高，那是否連傳統籃籌都買唔過？筆者答案顯然是傳統籃籌「靠個Brand嚟搵食」，其實風險大而回報小得令不少人跌眼鏡，加上港股整體向下流，靠買大籃籌又要逆勢而賺，難度很高。

買細價股，可以兩萬兩萬咁買再換出換入，加埋目標價同止蝕價，實能提升在股場獲利機遇。至於其他錢運用期權所予以小博大之力，再加上只要期權唔保倉，輸幾多基本上已可控制。40萬港元賺到一至兩倍，那成個500萬港元組合之整體利潤可升至10%至20%。但請勿將整個500萬港元投放於股票，過份投資令心理負荷太大，容易做錯投資決定。買40萬港元同500萬港元的心理壓力有很大差別。讀者30歲後才涉足樓市未遲。

 ﹙ 刊出日期：2016年8月19日 ﹚

圖：Shutterstock

以上文章刊於《招職》。