【投資導航】債券基金被動收入系統 | cpjobs
Home > Career Advice > 打工仔職場故事 - 名家分享 > 【投資導航】債券基金被動收入系統

【投資導航】債券基金被動收入系統

Published on Wednesday, 18 Mar 2020

:

諗sir你好,

本人42,太太40,兒子兩個將讀中學,希望做好配置,增加被動收入

  1. 2019年中已完成收息課息
  2. 我月入40000,太太月入38000
  3. 已賣晒股票,只餘些少盈富基金,想重新出發
  4. 住在火炭,居屋就供滿
  5. 港元120萬做定期

請問:

  1. 已做了E餐不槓桿,50萬收緊$2,400息,E餐近幾個月夾埋已跌了10%,將2019年收的息清走了,應再持有?
  2. 另外有隻美股KNOT,現價比高位跌了40%,過去股息穩定$0.52一季,就當未來一年派息打八折,年派息應有0.52 × 4 × 80% = 1.664。計佢保持派息率10%,佢合理價應有$16左右。假如我分注13、12、11元買入,這策略正確嗎?
  3. 應該如何為經濟不景氣做準備?長期等太保守不能抗通脹,如果保本有息收捱過跌巿?好同意畢竟都升左十年

大市波動很大,此時更需諗sir作出提醒指引,勞煩勞煩!

:

E餐是歐元區為主的國債或公司債,筆者認為今次連美國國債市場都出現下跌,而股票市場用崩盤形容不足為過,各位學生如早上堂早配置的,今年輸4–5%根本用上年的息都可補返,離場合理。

當然每人情況唔同,討論區亦有超過3個人問過係咪加注?這按你究竟是買到第幾注貨?個人資金水平?及風險承受程度而定。宜再找助教傾傾。

至於KNOT,讀者用13、12、11的價位等入,就已揭示了買股水平未及,在此風高浪急際入場更要深思。首先買股係睇佢將來升跌趨勢,最基本都用保歷加通道掃一下,同時再搵下有冇背馳現象出現,才決定是否買入。而唔係13蚊?12蚊?就去買。比喻就係打十號風險個陣你有急事要出街,你係睇幾時風轉細就出,而唔係一早決定我選擇4點定5點出,各位大大。

另外利用整數關去買賣股,屬初階者毛病。例如匯豐40蚊或41蚊整數關,好多散戶擺盤入,唔易跌穿及升穿。一旦穿$40,沽壓肯定好大,幾可肯定$39.9都低見埋。唔穿就可能$40成唔到,真心想成而入嘅貨又多,擺$40.05會成易得晒。故穿定唔穿?係考慮$40.05及$39.9,認真做唔會貪易記同方便擺$40。其他投資物同理。

今早美國再減息加上再量化,相信美國國債的流動性會提早。留意如流動性不足等於有些股票掛左牌好耐無人買,一成交個價會幾格咁跌,例如上一次成交價係$46,下一次是$42。由於美國國債指示予全球無風險投資的應有利潤,一旦國債個價一級跌,其他資產個價十級跌。美國政府今次打錢令美國債的成交順暢一點,個市就少一個突然波動之因素。

市場開始傳紐約封城,留意係傳。筆者亦早講過第一波殺跌,由細菌而帶出死亡恐慌引致股市下跌之第一波,相信就完。第二波將是當不幸者已死,疫苗又將到手之時,人就會開始正式計數,睇下今次蝕幾多同執咩公司補飛,那就有第二波殺跌。持債基者跌幅遠少於股票,有些跌幅更比黃金更少。只要你現時適當減磅,有些同學早識筆者的充滿盈利,當然無事。亦有些遲JOIN的估計都可拎返本金九成,日後仍大有可為。

Become our fans