日劇《我要準時下班》講盡打工仔心聲:工作賣力不賣命 誓搵返生活樂趣 | cpjobs
Home > Career Advice > 打工仔職場故事 - 名家分享 > 日劇《我要準時下班》講盡打工仔心聲:唔開無謂OT 誓搵返生活樂趣

日劇《我要準時下班》講盡打工仔心聲:唔開無謂OT 誓搵返生活樂趣

Published on Wednesday, 29 May 2019

小編身邊唔少朋友近日都不約而同煲緊喺日本正在熱播嘅日劇《我要準時下班》,演員吉高由里子飾演一位在網頁設計及製作公司上班的OL東山結衣,堅持每日準時下班,OT後一定攞補假。小編喺上個周末連煲了六集,相信唔少人都好似小編咁不禁會諗,為企業客戶提供網頁設計及製作嘅Agency,工作係幾咁忙碌,應該係朝七晚十及7x24嘅全天候工作模式,點可能堅持到準時收工呢?!嗱,呢套劇嘅其中一項賣點 ( 或者係好睇嘅地方 ) 就喺呢度,將兩樣對上班族嚟講咁矛盾嘅元素放埋一齊。咁女主角究竟點樣做到準時下班呢:

 

「要準時下班」的3大工作態度

1. 將今天需要做完的工作完成了便準時下班,不開無謂的OT。

2. 若工作上出現突發或緊急情況,亦會去處理,有需要時亦會OT

3. OT之後會申請返補假


今日開始,唔好再搵藉口叫自己唔可以準時放工;索性定下一個目標,令自己想準時放工,例如趕去喜愛的酒吧Happy Hour時段,嘆返杯半價啤酒。

 

提升工作效率3步曲

第一步:辦公桌面要Clean and Clear

正如東山結衣喺劇裏面所講,打工仔平均每年用了150小時喺辦公桌上搵工作所需嘅嘢。萬一辦公桌混亂不堪嘅話,例如擺滿手辦模型、相架及照片、旅行買回來的紀念品及公仔,以至將以往工作嘅文件 / 書籍 / 過期雜誌層層疊等,咁就會浪費更多搵東西的嘅時間。如果養成辦公桌面保持Clear and Clear嘅習慣 ( 如果真係想放啲模型或照片之類的,放兩、三件最鍾意囉 ),工作需要嘅嘢好快便搵到,一年下來便慳返唔少時間。

 

第二步:將工作排緩急優次

將當天需要完成的工作寫在便利貼,並將之貼在白板上;又或用白板筆將當天要完成的事直接寫在白板上。這樣做有助我們理順思路,確保無遺漏工作,並且訂立處理工作的優先次序,並且堅持今日要做完的事就一定要在今天完成。不過記住一點,如果夾硬要求自己一天內要處理太多工作事項,可能會令自己感到太大壓力,反而可能會影響工作效率。

 

第三步:落實去做

將今日需要完成的事寫低及訂了優先處理次序之後,就要開始實踐。你可以進一步訂下每項工作所需嘅時間,然後專心在定好的時間內完成。有需要的話甚至可以校鬧鐘提醒自己。 

要提升工作效率,可以將當日的工作寫在便利貼,並將之貼在白板上,再排處理的優先次序。
 

 

定一個令自己想準時下班的目標

可能有啲打工仔會講:「我都想準時下班,但係做唔到呢......」,然後拋出一大堆原因。其實小編想講,呢啲都係你比自己嘅藉口。引用東山結衣嘅建議,倒不如為自己定一個好想準時下班嘅目標,例如劇中,山東結衣嘅目標包括要在下午六時十分前去到公司附近的一間中華料理店,享受啤酒半價的Happy Hour時段;以及回到家中與男友一起享受晚餐,互訴當天發生的大小事情。如果你仍然話:就算準時放工都無嘢好做,咁就去搵樣興趣囉! 

 

劇中的工作狂,你會有共鳴

其實,東山結衣唔係無端端堅持要準時下班,皆因自己曾經是超級OT狂,至於乜野原因令佢頓悟,那就留待各位自己了解。另外,東山結衣的同事,不少係OT狂、工作狂、職責狂、勤力王,甚至當公司係屋企,佢地的故事,香港打工仔應該好有共鳴。至於佢地點樣喺東山結衣的感染之下開竅,決心準時下班,找回自己的生活,留返比大家從中參透。劇集的另一條故事線,係講新生代的工作心態及溝通文化。如果你有新生代嘅同事或下屬,劇中亦有唔少啟發性嘅橋段。

 

正如東山結衣引述佢公司社長喺培訓新人時的一番話:「唔好做一個只有工作嘅人,要學會享受生活,認識唔同嘅人、拓闊自己眼界,累樍類似經驗,才能做好自己嘅工作。」

Become our fans