轉工有幾jetso 要睇你識唔識計數 | cpjobs.com
Home > Career Advice > How To Find A New Job > 轉工有幾jetso 要睇你識唔識計數

轉工有幾jetso 要睇你識唔識計數

Published on Friday, 17 Jul 2015
轉工未必有jetso 宜停一停諗一諗

歌都有得唱「我哋呢班打工仔 一生一世為錢幣做奴隸…….」既然要做當然希望做回報好啲嘅奴隸,一般來說較易獲得升職加薪的方法就是透過搵工跳槽,但要注意人工多咗未必等於實際袋多咗,各位轉工前不妨參考以下事項計一計,以免蝕章!

加班冇補水時薪隨時少過最低工資:見工前不妨四處打聽或直接向新僱主查詢要否經常加班及有否補水,若經常加班但沒補水補假即變相拉低時薪,所得月薪亦會變少!每天加班兩小時,差不多一星期工作多一天,一個月便是四天,如此類推.......在新公司上班後才發現自己要on call 36小時,再推算時薪竟比最低工資少,到時才慘叫中伏已太遲。當然不是說有OT就唔做,如早知有此情況則見工時就應適當地把薪金要求調高!

花紅雙糧人有你冇慘絕人寰:「今年有冇得去多一兩次日本都要靠份雙糧花紅!」所以記緊要向新僱主查詢有沒有花紅或雙糧、過去一兩年是否正常發放及發放準則等,避免轉工後才發現自己不符而不能拿花紅。你說世上有甚麽事慘得過到最後才發現身邊同事個個有花紅而自己冇?

保險唔知唔理會被一鋪清袋:一般來說不會因為未來僱主的醫療保險等福利較差便拒絕加盟,但不妨與現有工作提供的做個對比,如新公司較差的話可能要自費補不足,開銷便相應增加。現今醫療費用昂貴,自身沒買保險而靠公司的話,到有需要時才知道要自己畀便大失預算,埋下被一鋪清袋的陷阱。

交通費車程小數怕長計:每天用多了時間上下班變相增加工時,若再加上交通費增加了,新工作薪金的增幅或不能抵銷,除非你薪金已高到不用計較這些婆仔數,否則還是計清楚,避免明加實減

Work Life Balance要靠假期:打工仔最需要當然係放假,充電再搏殺亦靠哂大假。考慮轉工前除了對比現有大假日數外,亦要注意周六要否上班等,如本來是五天工作,變成長短周的話,一年下來便要多上班二十天左右,差不多是一個月薪金! 相反,如現職是放勞工假,新工是銀行假的話,一年假期便最少多了五天,加上大時大節不用上班等因素,就算新僱主提供的薪金條件稍欠理想,亦可考慮「袋住先」。

轉工記緊管理強積金:當考慮轉工時,要留意強積金安排,尤其現僱主若有為你供自願性供款,更要留意自願性供款的歸屬比例。AIA MPF行政總裁馮裕祺指出,有個別公司為吸引員工留任,減少人才流失,會在法定強制性供款以外,為員工供額外自願性供款。他提醒,一般而言,自願性供款會按員工服務年期、職級設不同歸屬比例;通常服務三年,但少於四年歸屬比例為30%,然後按年資漸增,至服務十年以上就可取得100%自願性供款。

另在決定轉工後,可考慮是否將現有強積金轉會或保留在現有受託人。而在比較受託人的基金時,要留意基金選擇是否多元化,如AIA MPF的基金平台就薈萃25隻由5家著名投資經理管理的基金,涵蓋不同地域及基金種類,成員可按個人投資取向選擇適合自己的強積金,自由建構個人投資組合。另在多個基金類別中,AIA MPF都有表現不俗的選擇,不少基金更屢獲業界獎項,表現優秀。

總之答應新僱主上班前要小心計清楚,好似阿媽教女咁,唔好蝕底畀人呀!

Become our fans