Mid-year review一定聽過的說話 | cpjobs.com
Home > Career Advice > How To Get Promoted > Mid-year review一定聽過的說話

Mid-year review一定聽過的說話

Published on Friday, 04 Aug 2017
有些公司會有中期檢討,老細例必苦口婆心捉住你跟你分析這分析那,有時廢話多過乜,無論開場白有多漂亮,最終都只是一場審判,目的是告訴你繼續努力,但就不要對加人工有太大期望,為公司年終加薪花紅打定底。有些說話真是難聽過粗口,唔講都無咁嬲:
 
1. 「我睇好你,但公司今年都無乜錢賺(下省一百字)」:公司做生意,賺錢是目的,賺錢不賺錢是你們管理層的責任,我們辛辛苦苦拼搏,沒理由就因為你們不努力找生意就沒人工加。「睇好我」不能當飯食! 
2. 「我好欣賞你咁勤力,但唔好做到隻牛咁」:事實上是公司不夠人手,同事要日日超時工作(OT),都算,不加人手、不欣賞你之餘,還要落井下石,說是你自己的問題而要OT,也不自問一下,是誰經常臨收工才叫人做,累同事OT。 
3. 「有咩意見隨時歡迎表達」:對呀,我有我表達,你有你選擇,意見接受,態度照舊是常識吧,講多都無癮,還是省點口水、留啖氣工作吧。 
4. 「我有打算升你,但咩位同加幾錢人工就未決定」:那麼有決定才跟我說吧,反正鄰家公司出錢挖角就已經決定了,理得你決定到2046,想留我?好難咯! 
5. 「我知你要湊細路,但係人人都有頭家」、「你無細路,就幫輕下其他同事吧」:總之做得你公司,無論你有家室還是沒家室,就最好顧全公司大局,公司第一,家庭第二啦,沒什麼事最好叫家人幫手解決,放假休提,賣身給公司就最好啦。 
 
你又聽過哪些難聽的「粗口」呢?
Become our fans