問：

諗Sir你好

女兒去年大學畢業，並踏足社會工作；現時我只須負責母親生活，負擔已大大減輕。考慮到年輕時非常努力工作，身心疲累，有見生活重擔舒緩了，希望能在2019年尾退休，多些陪伴家人之餘，保養身體為實。

現有資產：

觀塘工廈單位A，不用供款，市值約500萬元，每月收租14,500元。

觀塘工廈單位B，母親與我名下 ( 母親有生之年不賣 )，不用供款，市值約800萬元，每月收租17,600元。

觀塘工廈單位C，自用加部分租出 ( 已分間 ) ，市值約1,000萬元，每月收租19,500元，銀行按揭每月要供款18,421元 ( 本金還款11,768元，利息還款6,653元 )，尚餘3,431,508元供款。

收入：

夫婦工資每月合共約40,000元。

收息：

2018年4及7月分別買入了三隻債基共180萬元，槓桿了250萬元，其中有基金價格下跌，然而買入至今已11個月，利息確派得不錯，約每月26,000元。

現債基債格跌了打算收下息先，反正不急用，諗Sir 認為正確嗎？

現有支出：

每月約50,000元左右，包括如下：

租樓每月20,000元

家庭恆常生活支出每月約30,000元

請問諗Sir，如真的打算年尾不工作，應如何部署好呢？希望給些指引，感激！

學生敬上

答：

首先不是鼓勵人唔做野，因為參與社會及貢獻一分力，對人好對自己更好！

第二是收息舊生請留意債基A至E餐的變動，讀者暫時價跌主因買了舊C餐而未再得悉C餐已更新。新C餐避開了一些政局波動的國債，轉投些未被捲入政治糾紛之國家。買債唔同股，穩陣而冇事發生就夠了，我地無需要選取一些大有增長機會之新興國。另外本年浮息債不看好，而看好REITs，想低至2,000美金投資REITs而收取超10%年息的朋友，請留意相關課程。

讀者買的時機不太好，故要比些耐性坐吓貨收住26k息過活，敢講2018年4月如買了股票收息，180萬元投入絕不能像讀者月收26k去「坐貨」( 即年收息率為17.3% )，不少股票個價仲要無咗幾成。你可以講本欄沒極深的知識教你，但有常勝將軍用之方法分享，你想學深嘅野可以去讀Pure Maths，當年呢科想攞個A認真唔易。讀者2018年4月開始，收息近一年，到2019年初讀者已開始著手年尾唔撈，這個就是收息同學獲得之改變。我們是要改變人生，而唔係要學得深。

2018年4月債基價格稍偏高，好在讀者有利用課上方法分注投入，2019年有保留實力去利用五粒豆指標趁低買入同拉低買入價。相比讀者觀塘工廈C市值1,000萬元而收息只月19.5K，你就知讀者投資工廈多年無果，而債基買了一年就叫想唔撈了。當然工廈在於某些人可利用作投資賺大錢，但當中所要認識之人脈及知識，一般老散學唔到，老散連走去中電申請個「三相電」都覺困難，又怎能輕易選及炒中工廈呢。另外觀塘工廈C仲有340萬元按揭未還，亦即壓住了讀者資金1,000 - 340 = 660萬元，現金流月只產出19,500 – 18,421 ~ 1,000，即壓死660萬元只月月收1,000蚊，工廈個價又唔係保本。相比660萬元投入債基，已等於「三個180萬」，月月可收息75K，而家算幾好洗。

筆者在2018年尾已加強服務，修畢103的學生登入homeblogger.com.hk網站之會員專區，會睇到筆者對不同債基類別之市評，希望各位利用此資訊去令自己更得心應手。經過2018年的試驗，讀者已試出債基在市跌時跌幅都好克制，佢可在2019年投多些資金令月收入達40k，到時債基派的收入與自己人工一樣，到時佢就撈唔撈都得。大家請留意由零至一百當中有許多步驟，香港人太愛看結果，忽略了如何為自己鋪出成功之路。讀者在Batch 18讀收息101，而家Batch 62，即離而家三年幾前約2015年讀書認識債市收息法。

在2017年再上收息103而2018年初進入債市，收息觀察一年，得出2019年尾有能力提早退休之結論，修成正果前踏出之每一步，支撐人更有信心走落去至「終點」。

以上文章刊於《招職》。