Advice Columnist

辦公室「收脾」指南

作者:陳立品

立品近年收火不少，但最近有一次（還是）發了脾氣，之後我覺得自己激動得拉傷了筋！所以我決定寫這篇文章。首先，我必須同大家講呢件事：幾年前有一陣子我的眼睛總是感覺矇矓，我去看過數次眼科，一切無恙，只是我還是感到眼睛很矇，實在不明所以。

然後近來我才知道：肝主血，亦開竅於目。

那些年我總是兩三點才睡，第二天若無其事在辦公室既不感到疲倦也不感渴睡，當時我不以為然。原來那是很傷肝的！！！

那些年月，我做了什麼？除卻工作上的忙碌，其他的都沒有太大的印記。

我應該在那段時日是個工作狂吧？！

我應該在那些時日是個很難相處的人吧？！

我大概在那些年月都是個要求太高和很容易就迫人太甚的人。

我總是傾向控制狂，所以任何人跟我相處總是感覺到壓迫和不容易。

回到正題，如何控制脾氣：

1. 多觀察脾氣好的人的言行舉動和牢記於心！
2. 避免睡眠不足和經常超時工作！
3. 清楚知道自己的怨氣來源，並努力和正面去面對！
4. 盡量堅持對事而不對人！
5. 養成做運動的習慣！
6. 如果自己從一開會已經發了脾氣，孤且暫停一下、借故去洗手間而冷卻一下、做做深而慢的呼吸、飲下一大杯水、想想辦公室外的人和事等等。
7. 經常記得好脾氣的人一定贏！
8. 經常做深而慢的呼吸練習！
9. 回想上一次發脾氣的後果！
10. 嘗試改變話題！
11. 嘗試休會另約時間再談，但盡量列出下次的討論重點並囑咐大家作好準備！
12. 告訴自己：別跟自己過不去！
13. 告訴自己：在這班人前失儀態實在划不來

立品曾經跟朋友講過，你發出去的脾氣像一把回力刀，它會回頭傷到你自己的，而發出去的力越大，它的回力也越強，所以是職場和人生大忌之一，也其實真的會把自己「燒傷」。

文章來源﹕ EducationPost

陳立品

陳立品，別號飛支皇后。辦公室女郎，在職場打滾二十多年，曾踏足媒體也曾在大企業奮鬥，見盡辦公室一切人和事。2001年，陳立品為做雜誌的朋友度橋時忽發奇想衍生辦公室求生手冊雛型，後更成專欄和結集成書，在網路上甚受歡迎。平日愛做運動愛看電影愛購物和愛飲食和愛聚會，是朋友眼中生命力強頑的多動症強人。陳立品一向以尖酸刻薄但極具生命力的方式去看待辦公室的人和事，她提倡以正能量去面對一切事情和挑戰、也建議大家以化繁為簡的方法去應對是非和負能量、她建議所有待事辦公室的人強化身心健體寧神去過活、她更建議大家不停為自己增值和提升知識。已出版作品有《飛支皇后日記》、《辦公室求生手冊》、《應付麻煩老闆大法》。

繼續閱讀

相關職場資訊

Advice Columnist

【職場指南】未過試用期放紅日被扣糧，公司有冇犯法？一文看清勞工法例點樣講！

打工仔轉新工，最開心當然係撞正農曆新年、復活節或者聖誕節等長假期。不過，唔少新人一出糧就發現：「咦？點解今個月少咗幾百甚至幾千蚊？」問返 HR，原來係因為「未過試用期，紅日放假無糧出」。到底公司因為紅日而扣起月薪員工嘅人工，有冇違反香港《僱傭條例》？直接解答：公司扣薪，其實並無犯法！好多人以為月薪制就等於「包月」，只要係放公眾假期就理所當然有錢收。但原來根據香港勞工法例，公司喺特定情況下，扣除新入職僱員嘅紅日薪金，係合法嘅，並冇犯法！拆解《僱傭條例》：關鍵在於「3 個月」而唔係「試用期」點解公司可以扣糧？根據香港《僱傭條例》，所有僱員（無論做咗幾耐）都有權放法定假日（即係俗稱嘅「勞工假」）。不過，「放假」是一回事，有沒有「假日薪酬」（即係有薪假）又是另一回事。法例明文規定，僱員必須按「連續性合約」（即俗稱嘅 418 規定：連續受僱 4 星期，每星期不少於 18 小時）受僱滿 3 個月，喺緊接法定假日之前，先至有資格享有該日嘅「假日薪酬」。換句話說：注意，勞工法例嘅標準係「3個月年資」，而唔係「試用期長短」！「勞工假」 VS 「銀行假」頭先講嘅係法定假日（勞工假），咁公眾假期（銀行假）又點計？香港法例主要規管法定假日，而額外嘅公眾假期（例如部分復活節日子、佛誕等）則視乎公司政策。對於不屬於法定假日嘅公眾假期，法例並無強制僱主必須支付薪酬，一切以雙方簽訂嘅僱傭合約為準。但慣常做法上，大部分提供銀行假嘅公司，都會將兩者嘅計薪方式統一處理。扣錢點樣扣先啱？如果真係要扣糧，公司都唔可以亂扣。根據法例，假日薪酬嘅每日款額應該等於僱員在該假日前 12 個月內所賺取嘅每日平均工資（ADW）。如果受僱未滿 12 個月，就用入職以嚟嘅較短期間去計算。公司唔可以隨便用「月薪 ÷ 30日」嚟扣錢，必須依照 ADW 嘅準則嚟計先算合法。總括而言，新入職未夠 3 個月被扣紅日人工，喺勞工法例上係沒有違法嘅（除非合約另外寫明「入職即享首三個月有薪法定假期」）。各位求職者喺簽約嗰陣，記得睇清楚僱傭合約條款！有唔少「好老闆」或者大機構，會喺合約列明「入職首天即享有薪公眾假期」，咁就唔洗擔心頭三個月遇到大節日會「糧尾」啦。如果合約冇寫，不妨喺面試或簽約時禮貌地向 HR 問清楚公司嘅假期計薪政策，咁出糧時就唔會有期望落差！

Advice Columnist

【職場求生術】遇上「扮工」專家？教你4招對付成日扮忙嘅同事

喺香港職場，大家一定遇過呢種同事：日日將「好忙啊」、「真係做唔切」掛喺嘴邊，一有新 Task 就即刻卸膊。最令人眼火爆嘅係，佢哋硬係鍾意喺 Weekend 或者半夜三更覆 Email，特登 CC 晒畀班 Management 睇，營造一個「搏命為公司」嘅假象，但實際上工作產出少之又少。面對呢種「扮工」專家，身為同事嘅你難免會覺得委屈，甚至因為佢推卸責任而增加咗自己嘅 Workload。今次為你準備咗以下 4 招應對策略，教你點樣優雅地應對，唔使硬食死貓！ 1. 劃清界線，拒絕無了期「接身後事」 2. 白紙黑字，留低溝通紀錄 3. 唔好做觀眾，冷處理「非辦公時間」嘅表演 4. 專注自己，相信管理層嘅眼光職場上最重要係保護自己嘅 Mental Health。與其為咗「扮工」同事激心，不如將精力放喺提升自己嘅實力上！

Advice Columnist

老細每粒鐘要你「報更」？4招教你對付 Micro-management 控制狂上司！

返工最怕遇到啲咩？唔係無窮無盡嘅 OT，而係遇到一個 Micro-management（微管理）嘅老細！每日每分每秒都 mon 住你，不停問：「你而家做緊咩？」、「份report搞成點？」，最誇張嘅甚至要你每日 mark 實一張 Time sheet，每個鐘「報更」匯報自己做過啲乜。面對呢種令人窒息嘅工作環境，與其日日喺位度反白眼兼懷疑人生，不如試下用以下 4 招「反客為主」，拆解老細嘅不安感！ 1. 主動出擊：先發制人，塞爆佢個 Inbox 控制狂上司之所以不停問，往往係因為佢缺乏安全感，覺得一切唔喺佢掌握之內。既然佢咁想知，你就不如主動匯報！ 2. 善用工具：透明化你嘅工作日程老細要你每個鐘寫 Time sheet？與其嘥時間填表，不如主動提議用更有效率嘅方法。 3. 向上管理：委婉反映「報更」嘅時間成本好多老細未必意識到，不停要求員工匯報，其實係會拖慢工作進度。你要搵個適當嘅時機（例如 One-on-one meeting），平心靜氣咁同佢傾下。 4. 建立信任：用實力證明你係「靠得住」講到尾，Micromanagement 嘅核心問題係「信任」。要老細放手，首先你要證明自己值得被信任。 🌟 終極絕招：三十六計，走為上計！如果你試過晒以上方法，交足貨又主動溝通，但老細依然故我，將控制慾無限放大，搞到你精神緊張、壓力爆煲……咁證明呢間公司嘅文化根本唔適合你。與其留喺度受氣，不如及早轉身！全港咁多好老闆，總有一個懂得欣賞你嘅獨立工作能力！唔好等啦，即刻為自己嘅 career 搵條新出路！