Advice Columnist

天下間沒有做不到的事

By 陳立品

立品忽然想起這話題不無原因，我撰寫辦公室求生手冊多年，為的不就是令大家在辦公室遇到難題時有個適當的指引？

大家可有在工作上遇到不懂得做的事情？我有的，從很久之前就有，到今天也有，可能次數越來越少，但重點是有，而那種壓力是不能說笑的！

我們試試從以下各方面討論一下：

1. 對於要做的事，搞清楚了目標未？事情是做給甚麼人看的 (target audience) ？有甚麼資料和數據需要掌握 (information and data) 時間性又如何 (timeline)？

2. 有些特殊的行業資料是你沒法掌握的。（假設你老闆是不會害你的）我會去請教自己老闆，起碼請他高抬貴手指點一下，而如果 handy ，當然先垂詢信得過而老資歷的同事，再以自己的邏輯思維考證一下，憑邏輯和經驗很多時都可以幫上很大忙的。

3. 你正要被調職到一個新崗位，有些工序你完全未涉獵過，我會在崗位上物色一位下屬又或 handy的老實同事具體咁請教一下，自己再將所收集回來的資訊努力温習和思考，再虛心地向同事確認才去交功課。

4. 你被邀請去應徵一個更高級的職位。你一定已經擁有相當的崗位和行業經驗才會有人來獵你個頭，如果準備迎接這個挑戰，首要層次當然是努力下苦功去温習，再來最好有前輩可以「問功課」和教路，永遠最重要的當然是認清你的 deliverables 是甚麼和盡快令自己掌握日常工序和生態以令自己穩當地在崗位上發揮。

如立品所說，我自己做事多年，如果面前擺住的是一個機會而難處只是時間和經驗和吃苦，那沒有理由不去努力的。我兩天後真心有一單我未肯定自己識做的事情要去頂硬上，大家且等我好消息！

文章來源：EducationalPost

陳立品

陳立品，別號飛支皇后。辦公室女郎，在職場打滾二十多年，曾踏足媒體也曾在大企業奮鬥，見盡辦公室一切人和事。2001年，陳立品為做雜誌的朋友度橋時忽發奇想衍生辦公室求生手冊雛型，後更成專欄和結集成書，在網路上甚受歡迎。平日愛做運動愛看電影愛購物和愛飲食和愛聚會，是朋友眼中生命力強頑的多動症強人。陳立品一向以尖酸刻薄但極具生命力的方式去看待辦公室的人和事，她提倡以正能量去面對一切事情和挑戰、也建議大家以化繁為簡的方法去應對是非和負能量、她建議所有待事辦公室的人強化身心健體寧神去過活、她更建議大家不停為自己增值和提升知識。已出版作品有《飛支皇后日記》、《辦公室求生手冊》、《應付麻煩老闆大法》。

Keep reading

Related career advice

Advice Columnist

【職場指南】未過試用期放紅日被扣糧，公司有冇犯法？一文看清勞工法例點樣講！

打工仔轉新工，最開心當然係撞正農曆新年、復活節或者聖誕節等長假期。不過，唔少新人一出糧就發現：「咦？點解今個月少咗幾百甚至幾千蚊？」問返 HR，原來係因為「未過試用期，紅日放假無糧出」。到底公司因為紅日而扣起月薪員工嘅人工，有冇違反香港《僱傭條例》？直接解答：公司扣薪，其實並無犯法！好多人以為月薪制就等於「包月」，只要係放公眾假期就理所當然有錢收。但原來根據香港勞工法例，公司喺特定情況下，扣除新入職僱員嘅紅日薪金，係合法嘅，並冇犯法！拆解《僱傭條例》：關鍵在於「3 個月」而唔係「試用期」點解公司可以扣糧？根據香港《僱傭條例》，所有僱員（無論做咗幾耐）都有權放法定假日（即係俗稱嘅「勞工假」）。不過，「放假」是一回事，有沒有「假日薪酬」（即係有薪假）又是另一回事。法例明文規定，僱員必須按「連續性合約」（即俗稱嘅 418 規定：連續受僱 4 星期，每星期不少於 18 小時）受僱滿 3 個月，喺緊接法定假日之前，先至有資格享有該日嘅「假日薪酬」。換句話說：注意，勞工法例嘅標準係「3個月年資」，而唔係「試用期長短」！「勞工假」 VS 「銀行假」頭先講嘅係法定假日（勞工假），咁公眾假期（銀行假）又點計？香港法例主要規管法定假日，而額外嘅公眾假期（例如部分復活節日子、佛誕等）則視乎公司政策。對於不屬於法定假日嘅公眾假期，法例並無強制僱主必須支付薪酬，一切以雙方簽訂嘅僱傭合約為準。但慣常做法上，大部分提供銀行假嘅公司，都會將兩者嘅計薪方式統一處理。扣錢點樣扣先啱？如果真係要扣糧，公司都唔可以亂扣。根據法例，假日薪酬嘅每日款額應該等於僱員在該假日前 12 個月內所賺取嘅每日平均工資（ADW）。如果受僱未滿 12 個月，就用入職以嚟嘅較短期間去計算。公司唔可以隨便用「月薪 ÷ 30日」嚟扣錢，必須依照 ADW 嘅準則嚟計先算合法。總括而言，新入職未夠 3 個月被扣紅日人工，喺勞工法例上係沒有違法嘅（除非合約另外寫明「入職即享首三個月有薪法定假期」）。各位求職者喺簽約嗰陣，記得睇清楚僱傭合約條款！有唔少「好老闆」或者大機構，會喺合約列明「入職首天即享有薪公眾假期」，咁就唔洗擔心頭三個月遇到大節日會「糧尾」啦。如果合約冇寫，不妨喺面試或簽約時禮貌地向 HR 問清楚公司嘅假期計薪政策，咁出糧時就唔會有期望落差！

Advice Columnist

【職場求生術】遇上「扮工」專家？教你4招對付成日扮忙嘅同事

喺香港職場，大家一定遇過呢種同事：日日將「好忙啊」、「真係做唔切」掛喺嘴邊，一有新 Task 就即刻卸膊。最令人眼火爆嘅係，佢哋硬係鍾意喺 Weekend 或者半夜三更覆 Email，特登 CC 晒畀班 Management 睇，營造一個「搏命為公司」嘅假象，但實際上工作產出少之又少。面對呢種「扮工」專家，身為同事嘅你難免會覺得委屈，甚至因為佢推卸責任而增加咗自己嘅 Workload。今次為你準備咗以下 4 招應對策略，教你點樣優雅地應對，唔使硬食死貓！ 1. 劃清界線，拒絕無了期「接身後事」 2. 白紙黑字，留低溝通紀錄 3. 唔好做觀眾，冷處理「非辦公時間」嘅表演 4. 專注自己，相信管理層嘅眼光職場上最重要係保護自己嘅 Mental Health。與其為咗「扮工」同事激心，不如將精力放喺提升自己嘅實力上！

Advice Columnist

老細每粒鐘要你「報更」？4招教你對付 Micro-management 控制狂上司！

返工最怕遇到啲咩？唔係無窮無盡嘅 OT，而係遇到一個 Micro-management（微管理）嘅老細！每日每分每秒都 mon 住你，不停問：「你而家做緊咩？」、「份report搞成點？」，最誇張嘅甚至要你每日 mark 實一張 Time sheet，每個鐘「報更」匯報自己做過啲乜。面對呢種令人窒息嘅工作環境，與其日日喺位度反白眼兼懷疑人生，不如試下用以下 4 招「反客為主」，拆解老細嘅不安感！ 1. 主動出擊：先發制人，塞爆佢個 Inbox 控制狂上司之所以不停問，往往係因為佢缺乏安全感，覺得一切唔喺佢掌握之內。既然佢咁想知，你就不如主動匯報！ 2. 善用工具：透明化你嘅工作日程老細要你每個鐘寫 Time sheet？與其嘥時間填表，不如主動提議用更有效率嘅方法。 3. 向上管理：委婉反映「報更」嘅時間成本好多老細未必意識到，不停要求員工匯報，其實係會拖慢工作進度。你要搵個適當嘅時機（例如 One-on-one meeting），平心靜氣咁同佢傾下。 4. 建立信任：用實力證明你係「靠得住」講到尾，Micromanagement 嘅核心問題係「信任」。要老細放手，首先你要證明自己值得被信任。 🌟 終極絕招：三十六計，走為上計！如果你試過晒以上方法，交足貨又主動溝通，但老細依然故我，將控制慾無限放大，搞到你精神緊張、壓力爆煲……咁證明呢間公司嘅文化根本唔適合你。與其留喺度受氣，不如及早轉身！全港咁多好老闆，總有一個懂得欣賞你嘅獨立工作能力！唔好等啦，即刻為自己嘅 career 搵條新出路！