銀行及金融業嘅MT要過關斬將先可以成功獲聘，唔同機構嘅人工都有唔同，四大會計師行嘅薪金一般更加吸引。
MT嘅晉升機會高，大約三年左右就可以升職做管理階層，升職後嘅人工自然更上一層樓，所以MT一直被視為筍工，除咗因為收入可觀，晉升階梯亦相對其他工作崗位快。
加薪升幅每次十幾%，過多四、五年去到年資較深嘅位，淨係做手機程式嘅可以去到20,000元，之後加薪開始放緩。由於網頁範疇多啲，有機會人工去到25,000至28,000元。
| 問： | 點先可以做到管理培訓生(Management Trainee/MT)？ |
| 答： | 至少要大學畢業，喺大學時修讀銀行或金融學科有相對優勢。傳統MT多數招攬啱啱讀完大學嘅畢業生，既然大家都係大學畢業，點解要揀你？所以如果一心要成為MT，首要GPA唔可以差，記住要比心機讀書！人地請你管理公司，又要投入資源落你度，當然要揀過度過。應徵者讀大學時更要儲定經驗，儲定履歷，例如做下Summer intern儲實戰經驗，做下交流生，上莊搞活動都會有幫助。 |
| 問： | 點樣可以喺面試中突圍而出？ |
| 答： | 面試通常有個人及小組面試。個人面試基本上會問點解要做MT，有咩個人願景及工作期望，聽吓過往嘅實戰經驗，分享下上莊搞活動經驗等。
要喺小組面試中突圍而出，首先一定要對自己有信心，盡量做第一個發言。公司會特別著重個人表達能力、溝通技巧同人際技巧，切忌有種心態要調整，就係切勿搏出位、搶住講，以為咁可以搏表現就大錯特錯。但咁樣又唔代表唔使出聲，因為無發言絕對係大忌。評審會著重組員之間嘅互動，記得發言要得體、態度謙厚，比評審見到你嘅過人之處。 面試中可能會被問好奇怪或者九唔搭八嘅問題，千萬要保持鎮定，更加要淡定及有組織地回應，因為從中可以考到你嘅應變及解難能力。 |
| 問： | 係咪個個部門都要做齊？ |
| 答： | Management Trainee要涉及嘅工作好多，以便為日後做管理層而鋪路，所以每兩至三個月就會轉部門，不斷轉換崗位，全面了解公司運作。
MT計劃通常為期兩至三年，其間可能會被委派負責前線工作、投資業務、企業公關等，涉獵層面好廣泛，變相有好多學習機會，從中可以更了解自己的興趣所在。 MT仲會協助公司籌劃大大小小嘅活動，令工作更多元化。計劃期間更有機會去海外交流，係難得嘅經驗。MT計劃完結後，就會成為管理階層，例如AM / Senior Officer，屆時視乎公司需要或個人興趣而派到其中一個部門 |
| 問： | MT有乜工作指標？ |
| 答： | MT在兩至三年內要去唔同部門工作，每個部門有唔同要求，基本上工作指標就好視乎部門要求。不過做得MT，不論去邊個部門，都必需具備以下能力：
|
| 問： | 點先叫做達成工作指標？ |
| 答： | 做完項目，客會唔會好快搵到漏洞或者搵唔到，已經達標；就算有漏洞，如果係避免唔到嘅，或者係一個好罕見嘅漏洞，都唔太大問題，但犯基本錯誤就唔好喇。準時好重要，雖然工作性質令我地開工實遲，但預計10日完成嘅工作中，你第四日發現問題，知道唔夠時間做，就要識得搵幫手或者其他方法處理，咁樣老闆同客都會較易理解。
如果係外國公司，好睇重編碼 ( Code ) 寫得靚唔靚；如果一個程式由幾個人寫，就要格式統一，簡單到括號後即刻打字，抑或隔一隔先有字，若然唔統一可以影響好大；例如「I’m a boy」，但「‘」打錯做「“」，就會搜索唔到出嚟。此外香港好多網頁或者官方網頁都係無障礙網頁 ( WCAG )，方便傷殘人士瀏覽，一早學識就能夠工作時易啲做到。 我哋經常同一時間對住幾個客，所以要識同客人傾掂數，分先後緩急。 |
| 問： | 合作性係咪要好高？ |
| 答： | 對。公司對MT嘅要求高，而且有一定期望，其中一項著重嘅就係人際技巧。作為MT每幾個月就要調派到唔同部門工作，接觸嘅人多不勝數，有好多同人合作嘅機會，所以MT一定要有出色嘅溝通能力及社交手腕。加上MT會被委派去籌辦公司活動，除咗公司內部同事，更要接觸外部機構，同他人合作，所以必需著重團隊精神。記得曾試過被安排籌辦公司周年晚宴，整個項目除咗要跟多個內外部門合作外，更要有高嘅應變能力，懂得處理突發情況。 |
| 問： | 點解MT會被視為筍工，個個爭崩頭？ |
| 答： | 首先最吸引嘅一定係人工高。大學畢業生普遍入職薪酬約13,000元至15,000元，相對地MT入職薪酬算係相當可觀。除咗薪高、糧準外，更重要係晉升路線清晰及保證，大約兩至三年就能躍升為管理階層。加上普遍大公司先有MT呢個職位，所以成為大公司MT變成唔少大學生嘅夢想。坊間更加有專業培訓，幫大學生打入金融機構做MT。
除咗上述原因，其實MT另一個吸引嘅地方係可以喺唔同部門試唔同崗位。好多大學生初出茅蘆時，未必好清晰知道自己嘅方向。MT就正正可以藉住公司提供嘅平台，去嘗試唔同嘅崗位，嘗試過就知道自己真正興趣及強項所在，知道邊個部門較適合自己，就可以專注喺嗰方面發展 |
