Career advice

Practical guides for a Hong Kong career

Curated writing from operators, recruiters, and HR leaders — written for people building real careers in HK.

← Career advice

Latest Posts

CS小薯日日面對的惡頂客
Industry Stories

CS小薯日日面對的惡頂客

做客戶服務(CS)真是不容易，所謂一樣米養百樣人，他們每日遇見的「怪獸」可真為千奇百怪，出名難頂，要面對每日的挑戰，他們行內人可謂有他們的絕招，都離不開忍、虛、空三個字！

做好份Intern，為將來鋪路
Career Path Planning

做好份Intern，為將來鋪路

對許多人而言，實習可能是進入某些行業或某些公司的唯一機會，因為多數實習工作對求職者的要求不如全職那般高，有時企業為了應付暑假或行業高峰期而增聘一些人手應市，篩選履歷時標準也會比平常為低。這意味著這是一次好機會，比畢業時跟「全世界」火拼的成功獲聘機會為高。   我不建議純為賺錢而做的實習，不是說錢不重要，而是這種短期性質的工作，錢相較其他方面的裨益根本來得微不足道。為了高一點的人工待遇，可能只是一餐飯仔，而放棄更能令自己得益的機會就實在太短視了。認真，做好呢份工，分分鐘影響自己一世。   1. 認識真實的工作情況：一般來說，全職工作的壓力較實習大，實習正正給予你一個親身體驗的機會，以便你更了解自己的喜好、能力、理想。在過程中明確了解自己不能接受的東西，日後真正求職時目標便能更清晰，省回很多試工、轉工的時間。   2. 不要只為學分而做：大專院校不少學系都會為同學仔安排實習機會，更有很大的比例是計入學分，但計分權重一般不會很高，導致有些同學們只為完成兩三個月的實習期交差就了事。既然機會放在眼前，同學應該調整心態，不要只求混個學分，橫豎都要做，何不認真對待學習過程，以取得最大的得著?履歷也不只增加一項「在 XXX 實習三個月」的空洞陳述，而是透過良好表現、態度去爭取做實事、表現的機會，為履歷加入具體的職責、實質達到的成果等。

今期流行咩暑期工
Career Path Planning

今期流行咩暑期工

又到暑假又到暑假，學生哥放暑假去玩去癲之餘，很多時都會搵份暑期工賺下外快、自力更生，識下女仔，尋找長大的足迹。   對於暑期工初體驗的一群，最常見的不外乎售貨員、飲食業、派傳單、興趣班導師、補習、接線生、搬運。想做下文青的，可以一試書店助理、旅遊記者；喜歡追求生活品味的，可以嘗試當個咖啡室學徒、畫廊助理；喜歡大自然和動物的可以當寵物店助理員、農場動物護理員、假日農夫；喜歡接觸人群的，可以應徵各式博物館導賞員、生態導賞員、主題樂園兼職等；關心社會的「憤青」，可以自薦擔當環保大使、議員助理；想尋求刺激有趣的可以試下神秘顧客、私家偵探學徒。   其實社會上充滿著各式各樣的暑期工，選擇暑期工時不應這麼早就收窄自己的範圍、局限自己的視野。筆者做過很多不同的暑期工，但都有一個共通點，就是每份工作都建構出現在的自己。你會發現那些軟知識會常常不經意地為你的工作和待人處事方式，帶來一些啟示及助力。職業無分貴賤，只要符合以下條件，都可以趁後生一試：   1. 自己感興趣的：只要是自己感興趣的，就會做得上心，經歷自然深刻，這些經歷會轉化成你的「資產」。   2. 冷門的：人一世物一世，有機會當然要試多些，還不趁這些機會，難道要等到有家有室、「一家大細靠晒你」的時候才去試嗎?

離職工作證明有行規
Job Search in Hong Kong

離職工作證明有行規

HR日常其中一個「職務」，就係日日都出緊唔知幾多份工作證明畀啲離職同事。講到出工作證明，我地一定要出得靚靚仔仔，除左人地要拎去見工之餘，其他公司見到份工作證明岩岩巉巉仲會影響埋公司專業形象。 工作證明除咗要格式整整齊齊、冇錯字、冇錯文法之外，查實仲有一個好重要嘅地方就係離職原因。HR有一個行規，如果個staff係正正常常辭職，喺工作證明都一定會寫明個離職原因。如果係辭職嘅，我地會寫自動離職(resign of his/her own accord)；如果係裁員，會寫明係redundancy；合約完結會寫contract complete，意思即係話畀其他公司嘅同行知，呢個人係喺正常情況下離職，唔係畀人炒。但如果冇寫清楚，HR一睇就會懷疑呢個人會唔會係有問題而畀人炒。所以如果個同事係正正常常離職，但又冇喺工作證明寫清楚個原因，分分鐘會影響到佢搵工。不過當然，我地唔會淨係因為呢句嘢而下判斷，最後都要睇埋面試同reference  check(工作背景審查)嘅結果。 工作證明只係簡簡單單一封文件，但對每個人嘅職業生涯都好重要。試過聽過有啲公司出工作證明慢吞吞，話出封信要成個月。咁樣唔單止影響到人地搵工，仲攪到我地呢啲HR薯仔係咁追。幫幫手，快快手手出份靚仔嘅工作證明，除左係HR責任之餘，仲可以幫到同行畀老細捽少幾次呀。