Career advice
Practical guides for a Hong Kong career
Curated writing from operators, recruiters, and HR leaders — written for people building real careers in HK.
← Career advice
Tag: "職場"
Job Search in Hong Kong
了解自己，Jump出一條活路
每逢新年大家可能都好怕親戚問「幾時帶男/女朋友比我地見下？」「幾時結婚呀？」「幾時生仔呀？」等令人尷尬既問題，不過我就無咁既煩惱，點解？因為大部份每年見一次既親戚都會問：「亞飛，仲係唔係做緊呢份工呀？下，又轉左啦？」 投身社會十二年，轉左十一份工，除左親戚朋友外，有試過連日見夜見既亞媽都會唔知我做緊乜。 「亞飛，近排夜左返屋企食飯既？」「亞媽，轉左工。」「下，轉左工三個月咋喎，又轉？」唏，就係趁未過試用期就逃離地獄嘛。 對於不斷轉工，有人關心我，有人笑我，有人不斷講道理去感化我；亞媽亞爸覺得我仲係貪玩唔定性，咁轉工法邊可能有成就；另一半又會無安全感，點同你計劃將來？但呢十二年間，我越轉越高職位，大家又覺得不可思議。 其實，custom made CV 同 cover letter好辛苦架，interview比人問到口啞啞又好過癮咩…我都唔想不斷轉工同轉行，真係好攰… 但點解又要轉工？ 頭一兩年人工低，屋企又咁辛苦供書教學，真係好難家用比少少，講理想講career path。 之後，工作環境亦令人好頭痛，我試過自己住柴灣公司搬左去荃灣；同事話我二五仔；又試過老細無情白事日日粗口問候你。 到環境稱心人工滿意，準備全力以赴既時候，竟然比我知道，原來公司既架構係無位再升你職之餘，你對上既老細應該一世都唔會走…
Job Search in Hong Kong
韓國職場適合你嗎? (下)
南韓本身的民族特色、國家制度，窒礙了韓國企業的生產效率。今次我們跟大家走進韓國職場，深入了解當地職場人和事，如果你是韓國迷，就不要錯過了！
Job Search in Hong Kong
韓國職場適合你嗎? (上)
最近有報導指南韓年青一族工時長薪水低，其實南韓也是全球工時最長的國家之一，可惜工時長，不等於生產力高，近年南韓被國際經合組織OECD形容為生產力最低的國家之一，何解? 1. 論資排輩、階級分明：普遍韓國大小企業都是論資排輩，做滿3至4年就晉升一級，而非以能力為晉升的先抉條件，導致管理層未必由能者居之，也未必由強於管理的人擔當，削弱競爭力。而一些在韓國公司做過的人都知，公司階級分明，下屬向上級唯命是從，很多時對上級指令不問情由，只做不問，甚至經常要為上司解決私人事務，影響正常工作。 2. 集體行動制：韓國人很講團體合作，無論午飯或放工後飲兩杯都要一齊，食飯要等全部人吃飽才可離開，不可以早走，變相令團隊及個人效率降低。又正因為韓國人重視團隊合作，窗口對外，而每個部門都會分為幾個組，這個本來應該是良性競爭促使進步，但相反敵我分明形成部門內的嚴重內鬥、惡性競爭，造成內耗。同樣，對其他部門也有如外人，影響跨部門的協作，對公司造成損失。
Advice Columnist
【職場航行日誌】出賣職場姊妹情
講出黎都慚愧，自己做咗呢行幾年，係人事關係上仲未學精，警戒心太低會俾位人入。喺Office，年紀相若嘅一班女仔好易聚埋一齊，表面上好歡樂，講飲飲食食化妝扮靚，一齊注視男神Target，又會呻下公事，不過私底下好少交流。