私盤大比拼！乜嘢盤最好做？
物業管理屬於服務性行業，份工好唔好做、「筍唔筍」，其實好多時都係睇任職樓盤的住客容唔容易相處，可說是運氣行先。將行內唔同盤分為豪宅盤、中產盤與基層盤，會發現三者對物業管理的需求大有不同。至於邊種盤最好做？大家睇完自己決定。
升職階梯和大概嘅薪酬
物業助理 ( Property Assistant, PA )：12,000-14,000元
助理物業主任 ( Assistant Property Officer, APO )：14,000-16,000元
物業主任 ( Property Officer, PO )：16,000-19,000元
高級物業主任 ( Senior Property Officer, SPO )：18,000-25,000元
助理物業經理 ( Assistant Property Manager, APM )：25,000-30,000元
物業經理 ( Property Manager, PM )：30,000元
升職加薪靠跳槽？
持有學位入行，多數會由APO做起，而由APO升上PO，最快兩年就升到。不過，物管行業的離職率非常高，原因通常都是為了轉工跳槽加人工。
行內人士爆料，指不少同行會善用跳槽作升職踏板，例如從A公司跳糟去B公司，人工即可加2,000-3,000元，之後再跳去C公司或回巢A公司，人工又會加幾千元，兼且可以升職。因此，與其一直留在A公司，年年加5%人工但難以升職，大部分人都會選擇定時定候過一過塘，汲取更多不同經驗之餘，又可順利升職加薪。
入行要考牌嗎？
上文提到，物業管理服務分為管理、清潔、維修、財務管理、設施管理、人力資源管理、與法律服務七類，按《物業管理服務條例》列明，只要物業管理公司提供多過一項服務，就需要持牌。
持牌人分為一級持牌人與二級持牌人，前者需有學位或同等學歷，後者需有副學士和文憑學歷。物管公司轄下管理的屋苑伙數愈多，就需要聘請更多持牌人，所以有學位傍身，考獲牌照，可說是將來順利升職的入場券。
發牌制度的本意是監管物業管理業，確保行業的正當性，以及提升行業地位和專業形象，雖然暫時「無牌工作」不會觸犯法例，但有意入行、與行內人士都要留意，《物業管理服務 ( 發牌及其他有關事宜 ) 規例》有望於明年初實施，所有提供物管服務的公司，以及在公司內擔當督導或管理職務的人員都必須申請牌照。
條例落實後，會設置三年過渡期，以便行內人士進修及申請牌照。在過渡期後，無牌從業的物管人員就隨時違法。
求職面試攻略
如果開口夾著脷，一講說話就得罪人，又怎能滿足不同持份者的需要？物管行業對說話與寫作能力的要求較高，業內同事一定要有良好溝通技巧，工作起來才能面面俱圓。
面試時，求職者需要自我介紹，說明點解想入行，亦要預先諗定不同的情景題，以免畀人問到口啞啞。例如問到萬一遇上火警或停電點算，起碼都要答到馬上Call消防、搵承辦商恢復電力，隨後要影相記錄、安撫住戶，以及負責事後跟進。
行業前景穩唔穩定？
基本上，有業主、有物業的地方就需要有人管理，無論經濟點差，甚至銀行執笠、天災人禍，物管同事都會有工開；有管理費，同事就有糧出。想搵份穩定工作，唔使畀客鬧、準時收工，準時出糧，以上要求物管行業都做得到。
做得耐，有經驗的話，甚至會有Headhunt主動打電話問需唔需要跳槽轉工，可見前景相當唔錯。雖然做物管未必發到大達，但要做到三餐無休、每年去旅行，並非難事。
入行前有咩要注意？
除了要識照顧業主、管理下屬，以及同承辦商協調，更要留意物管行業漸趨專業化，將來想把握多些機會，爭取表現搏升職，平日就要勤力進修，自我增值。
坊間愈來愈多物管相關課程，協助有意入行的新人、或已入行多年的業者迅速由淺入深，了解現時任職物管必備的七類知識，包括：環境管理、設施管理、應用法律、人力資源管理、業戶管理及社區服務、財務及資產管理，與建築物維修保養。
舉個例子，淨係講維修保養，物管同事已經要識消防條例、升降機及自動梯 ( 安全 ) 條例、公共照明條例、電力條例、水務設施條例、氣體安全條例與電訊條例！
為免工作時一問三不知，物管同事唔預先練定周身刀，又點應付千千萬萬伙業主的要求。
文：Jie Leung
