Career Advice Tips to be more productive

你係咪做Freelancer嘅材料?

喺而家呢個世代,好多人都唔想打死一份工,所以有唔少打工仔都由返Full-Time轉做為一個Freelancer。當所有人都好羨慕Freelance工作可以有彈性工作時間,又唔駛不停做重複工作時候,其實佢地都有佢地嘅難處,即刻Check下你有冇潛質做一個Freelancer啦!
 
1. 有一技之長
不論係拍嘢、剪片、寫稿定係翻譯之類嘅工作,都要俾人嘅印象係專業。而且要時刻都與時並進,不停學習。網上宜家都有唔少網站俾大家學嘢,例如:Udemy,當中有超過六萬個課程,咁就隨時都可以增值自己!
 
2. 多更新Portfolio
做Freelance工作一定唔可以懶,因為一懶就會冇飯開。要令人知道你做過嘅作品,從而搵你做嘢,你就必須時刻更新你嘅Portfolio!有唔少網站都有Template方便你整Portfolio,例如:wix.com,整完仲可以放喺個Website度俾人瀏覽,咁接Job就可以接到唔停手啦!
 
3. 有進步嘅心
香港有好多Freelance好多時都做完就算,但如果做完之後問返個客有啲咩要改善,可以令對方覺得你做嘢上心又可以信賴,再次搵你做嘅機會都會增加!當然你唔係問完就算,而真係著手諗下下次可以點做好啲!
 
4. 要自律
因為Freelancer好自由,所以係要更加自律。而好多人都以為個Job想幾時做就幾時做,但其實有時都要喺Office Hour交俾對方,咁個客先有時間處理好。所以如果你想做Freelancer嘅原因只係想偷懶就唔建議你做了!最好就將所有工作set哂入Schedule,訂個Deadline俾自己,按住Schedule工作,唔好日日隨心所欲咁做,先可以有條理處理好手頭上嘅工作!而好多手機嘅Schedule app都有好全面嘅功能,例如:TimeTree,啱哂做Freelance嘅你!
 
所以話做Freelancer真係一啲都唔簡單,要有正職嗰時做住Freelance,試下係咪真係啱自己先辭職呀!