打工仔唔會一世只打同一份工，總會有辭職嘅機會! 但原來辭職都好有學問，搞錯咗分分鐘會收少咗人工! 辭職首先要由遞信開始，究竟應該幾時遞信? Last Day 又應該計邊日? Last Day 同Effective Day 又有咩分別? 即刻睇下文為辭職做好準備!
Last Day 應該點計?
Last Day 嘅計法有可能間間公司都唔同，有公司會計實際工作日子，但普遍公司都係以月份計算通知期。除非僱傭合約有明確規定，否則一般通知期都係唔少於一個月通知。
如果係以實際工作日子作為單位，根據《僱傭條例》嘅規定，為咗避免爭議，你可以考慮唔將通知當日包括在內。由通知日翌日開始，撇除公眾假期計算通知期。如果你係五天工作週，星期六、日亦需要撇除計算。如果撞正多假期嘅月份，Last Day 就要等耐啲先到喇!
不過為方便計算，好多公司都係以月做單位計算通知期。如果以月計算，按《僱傭條例》規定，通知當日應包括喺通知期內。你可以根據以下三個原則計算通知期:
下個月份同一日嘅前一日
如果你喺2月13日遞信，Last Day 就係3月12日。
如果下個月份並無同一日，則至下個月份最後一日
如果你喺1月30日遞信，2月並無30日，咁你Last Day 就會係2月最後一日了 (2月28或2月29日)。
如果發出通知當日係一個月嘅最後一日，則至下個月份最後一日
如果你喺2月28 / 29日遞信，你嘅Last Day 就會係3月最後一日，即係3月31日了。
詳情可參考: LINK
Last Day 喺星期日又有無錢收?
如果你係五天工作週和以月薪出糧嘅，其實星期日都有糧出，所以好多打工仔都會計到盡，將Last Day 安排喺星期日袋多兩日錢!
Last Day 同Effective Date 有咩分別? 星期日Last Day 又應該寫邊個?
其實Effective Date 同Last Day 有啲相似，兩者只係相差一日。Last Day 就係你最後一個上班日，而Effective Date 就係Last Day 嘅翌日，意思係你嘅離職由當日開始生效，你由當日開始就唔洗返工喇!
咁離職信應該寫Effective Date 定Last Day呢? 其實寫兩者都可以，你可以揀其中一個去寫。不過如果你Last Day 係會喺星期日或公眾假期，就建議你寫Effective Date，因為Effective Date 唔會受到假期影響。
想辭職搵份好工，記得Mark 實CPJobs睇有咩最新職位空缺喇!
