Search Article
Search result of 辭職
我的金魚老闆 – 不停Loop 不停Loop 不停Loop
我個老闆，記憶力簡直係金魚級數，甚至可能仲衰過金魚！每日返工見到佢，我都想爆粗。佢個腦係咪用嚟裝飾㗎？ 基本上每日都要將啲嘢重覆又重覆，重覆又重覆咁解釋佢聽。就連公司嘅partner都怕咗佢。 今日開會，佢又嚟料。上個禮拜先講好個 Project A 嘅方向，今日佢竟然問：「Project A 係乜嚟㗎？」大佬，我哋為咗呢個 Project A 已經捱咗幾晚通宵，你一句「係乜嚟㗎」，又要花多半個鐘去解釋你聽。連續開咗三星期工，個人又眼瞓又燥底，我當時真係想攞個釘書機掟埋去！ 仲有，佢最鍾意「一時一樣」。朝早話要咁做，晏晝就完全推翻晒，然後仲可以理直氣壯咁話：「我冇講過！」我真係想問佢係咪有失憶症？定係佢故意玩嘢？每次佢咁樣，我哋成Team人就每日跟佢嘅「新指示」重覆又重覆咁做，不停loop，不停loop。一個 proposal loop 足三個星期！ 最令我火滾嘅係，佢永遠唔會記得自己做錯咗啲咩。每次出問題，佢總係將責任推到我哋身上，好似佢自己係完美無瑕咁。我哋做佢下屬嘅，除咗要做好自己份內事，仲要幫佢執手尾，幫佢遮醜，簡直係受罪！ 講返今日個會，好明顯佢同平時一樣唔係聽緊我哋講嘢，因為佢問啲問題永遠係錯重點。Anyways，最終佢無咩問題，大家以為呢個 project 終於可以完鬆一口氣嘅時候，佢竟然問返再之前個 project 啲嘢。天呀，又要將個歷史由頭講一次佢聽。 我真係懷疑佢係咪每日食咗失憶藥定個腦會 reset 咗先返工。對住呢個金魚腦老闆，我每日返工都係一種煎熬。真係好想辭職，但我仲要供樓、養家，唯有日日對住佢個衰樣，咬緊牙關。唉，幾時先捱到退休啊？
...
【辭職都有學問】Last Day 都有最後5樣嘢要做
你嘅辭職申請已經被接納，而你嘅同事可能已經準備好點歡送你。但Last Day 果日你除咗要準備散水餅，其實仲有嘢要做! 快啲睇下呢個Checklist，以正面及專業嘅態度去結束最後一個工作日，留返個好印象畀公司同同事。
...
【辭職都有學問】Last Day 應該點計? 星期日Last Day 有無錢收?
By CPjobs Job Search in Hong Kong
Effective Date
,
last day
,
Resignation letter
,
僱傭條例
,
辭職
,
辭職信
,
辭職通知期
打工仔唔會一世只打同一份工，總會有辭職嘅機會! 但原來辭職都好有學問，搞錯咗分分鐘會收少咗人工! 辭職首先要由遞信開始，究竟應該幾時遞信? Last Day 又應該計邊日? Last Day 同Effective Day 又有咩分別? 即刻睇下文為辭職做好準備!
...
